દાંતના જુદા જુદા પ્રકાર, તેમનું કાર્ય અને તેમની સંખ્યા જાણીશું.

   સૌપ્રથમ આપણે દાંત વિશે માહિતી મેળવીશું.
   દાંત એ અન્ન ચાવવા માટેનો મુખમાં ક્રમબદ્ધ ગોઠવાયેલો સફેદ કઠણ અવયવ છે.
   દાંત મુખ્યત્વે પાચનતંત્ર સાથે સંકળાયેલ છે.
   દાંતના રાસાયણિક ઘટકો દંતવલ્ક (ઇનૅમલ), દંતિન (ડૅન્ટિન) અને સિમેન્ટ દ્રવ્ય છે.
   સમયાંતરે ઉંમર મુજબ દાંત બે વાર આવે છે. બાળકોમાં જે પ્રથમ દાંત આવે છે તેને દૂધિયા દાંત કહે છે. કાલાન્તરે આ દાંત પડી જતાં બીજા કાયમી દાંત આવે છે.
   ખોરાક અને ચર્વણ પદ્ધતિમાં ફેરફાર અનુસાર દાંતમાં ફેરફાર થવો આવશ્યક બને છે.
   મનુષ્યમાં કુલ દાંતની સંખ્યા બત્રીસ છે. જે મુખ્યત્વે ચાર ભાગમાં વિભાજિત છે.
        (i) છેદક દાંત
        (ii) રાક્ષીદાંત
        (iii) અગ્ર કે ઉપદાઢ
        (iv) દાઢ.