પુષ્પના મુખ્ય ભાગોનો અભ્યાસ કરીશું.

  સૌપ્રથમ આપણે પુષ્પ વિશે માહિતી મેળવીશું.
  પુષ્પ સપુષ્પી વનસ્પતિઓનું આગવું લક્ષણ ગણાય છે.
  સામાન્ય રીતે પુષ્પ ચાર અંગો ધરાવે છે : (1) વ્રજપત્ર (2) દલપત્ર (3) પુંકેસરચક્ર (4) સ્ત્રીકેસરચક્ર.
  વ્રજપત્ર અને દલપત્ર પુષ્પના પ્રજનન સાથે સંકળાયેલાં અંગો ન હોવાથી તેમને સહાયક ચક્રો કહે છે. તેઓ પુષ્પનું કલિકા અવસ્થામાં રક્ષણ કરે છે. તે પરાગનયનમાં મદદરૂપ થતાં અંગો છે.
  પુંકેસરચક્ર અને સ્ત્રીકેસરચક્ર લિંગી પ્રજનન સાથે સંકળાયેલાં અંગો હોવાથી તેમને આવશ્યક ચક્રો કે લિંગી ચક્રો કહે છે. પુંકેસરચક્ર પુંકેસરોનું,જ્યારે સ્ત્રીકેસરચક્ર સ્ત્રીકેસરનું બનેલું હોય છે.