પદાર્થની સ્થિતિમાં થતો ફેરફાર એ ઊલટાવી શકાય તેવો ફેરફાર હોય છે તે દર્શાવીશું

  આપણે આપણી આસપાસ ઘણા ફેરફારો થતા જોઈએ છીએ. આ ફેરફારો પૈકી કેટલાક આપમેળે થતા હોય છે, તો કેટલાક માનવ દ્વારા થતા હોય છે.
  કેટલાક ફેરફારો ઊલટાવી શકાય તેવા હોય છે, તો કેટલાક ઊલટાવી ન શકાય તેવા હોય છે.
  ઊલટાવી શકાય તેવો ફેરફાર : જે ફેરફારને ઊલટાવી મૂળ પદાર્થ પાછો મેળવી શકાતો હોય તેને ઊલટાવી શકાય તેવો ફેરફાર કહે છે.રેતી અને પાણીનું મિશ્રણ એ ઊલટાવી શકાય તેવો ફેરફાર છે.
  ઊલટાવી ન શકાય તેવો ફેરફાર : જે ફેરફારને ઊલટાવી મૂળ પદાર્થ પાછો મેળવી શકાતો ન હોય તેને ઊલટાવી ન શકાય તેવો ફેરફાર કહે છે.મીણબત્તીનું સળગવું એ ઊલટાવી ન શકાય તેવો ફેરફાર છે.
  ઊલટાવી શકાય તેવા ફેરફારોમાં પદાર્થની મૂળ ગુણવત્તા બદલાતી નથી, જ્યારે ઊલટાવી ન શકાય તેવા ફેરફારોમાં પદાર્થની મૂળ ગુણવત્તા બદલાઈ જાય છે.