લિટમસપેપર દ્વારા પદાર્થ ઍસિડ છે કે બેઇઝ એ તપાસીશું

  કુદરતી સૂચક તરીકે લિટમસનો ઉપયોગ વધુ થાય છે. લાઈકેનમાંથી નિષ્કર્ષણ કરીને લિટમસ મેળવાય છે. નિસ્યંદિત પાણીમાં બનાવેલ લિટમસનું દ્રાવણ જાંબલી રંગનું હોય છે.
  તે એસિડ સાથે લાલ રંગ અને બેઈઝ સાથે ભૂરો રંગ આપે છે. લિટમસના દ્રાવણને ફિલ્ટર પેપર કે શાહીચૂસ કાગળ પર લગાડીને સૂકવીને લિટમસપત્રરૂપે મેળવાય છે.
  લિટમસપત્ર બે પ્રકારના હોય છે :
      (1) ભૂરું લિટમસપત્ર
      (2) લાલ લિટમસપત્ર
  લિટમસપેપરનો ઉપયોગ આપેલ દ્રાવણ એસિડિક છે કે બેઝિક તેની કસોટી કરવા માટે થાય છે.