ચુંબકીય બળ સમજીશું

  બળ એટલે ધક્કો અથવા ખેંચાણ.
  બળની માત્રાને તેના મૂલ્ય વડે દર્શાવવામાં આવે છે.
  બળની સંજ્ઞા (F) છે અને તેનો SI એકમ ન્યૂટન (N) છે.
  જ્યારે બળનું મૂલ્ય અને દિશા બદલાય છે ત્યારે તેની અસર બદલાય છે.
  બળ મુખ્યત્વે બે પ્રકારના હોય છે : સંપર્ક બળ અને અસંપર્ક બળ.
  સંપર્ક બળ : જ્યારે બે કે વધારે પદાર્થો એકબીજાના ભૌતિક સંપર્કમાં હોય ત્યારે તેમની વચ્ચે પ્રવર્તતા બળને સંપર્ક બળ કહે છે. દા.ત., સ્નાયુબળ, ઘર્ષણબળ, યાંત્રિકબળ વગેરે.
  અસંપર્ક બળ : વસ્તુનો કોઈ બીજી વસ્તુ સાથે ભૌતિક સંપર્ક ન હોય ત્યારે તેના પર દૂરથી લાગતાં બળને અસંપર્ક બળ કહે છે. દા.ત., ચુંબકીય બળ, સ્થિત વિદ્યુતબળ, ગુરુત્વાકર્ષણ બળ વગેરે.